Atividade

Conselho de Imprensa lansa ona ninia sitíu eletrónika ba públiku

Conselho de Imprensa lansa ona ninia sitíu eletrónika ba públiku

DILI 10 Janeiru 2016 – Conselho de Imprensa (CI) ofisialmente lansa ona ninia sítiu eletrónika ofisial www.conselhoimprensa.tl. ba públiku.

Serimonia lansamentu sítiu eletrónika nomos Natal hamutuk ho parseiru sira ne’ebe realiza iha loron Kinta feira, (22/12/2016), iha Bebonuk, Ocean View. Lansamentu ne’ebe hola direitamente husi Prezidenti CI, Virgilio da Silva Guterres.

Bazeia ba estatutu CI ninian iha artigu 7 fó dalan hodi estabelese sítiu eletrónika atualizadu ida ne’e ba publika kona-ba Lei Komunikasaun Sosiál, estatutu no regulamentu sira Conselho de Imprensa nian, Deliberasaun sira ne’ebé adopta husi Conselho de Imprensa ho exesaun kona-ba ninia asuntu internu sia ka jestaun ne’ebé hala’o hela, Conselho de Imprensa ninia órgaun sira nia kompozisaun.

Alende ne’e mos fó sai planu CI ninian, orsamentu, relatóriu no konta sira kona-ba atividade sira Conselho de Imprensa nian iha tinan rua ikus nia laran. Informasaun sira ne’ebé ninia publikasaun ezije husi Dektretu-Lei ida ne’e no lei sira seluk ne’ebé maka vigora hela no informasaun hotu-hotu ne’ebé Conselho de Imprensa konsidera importante atu fó sai husi dalan ne’e. 

Liu husi esplikasaun Prezidenti CI hateten, agora dadaun ema barak asesu ba sítiu eletrónika lor-loron, hanesan facebook, twetter no seluk tan, husi ne’e ema hotu esforsu atu halo pencitraan, iha espasu halo notisia atu promove  sira nia figura no sira nia servisu. Tanba ne’e, sítiu eletrónika ne’e mos atu mencitrakan ou halo pencitraan ba Conselho de Imprensa.

Pencitraan laos buat ida negativu, entaun iha tempo badak, durante fulan 3 nia laran, CI deside katak, molok remata tinan 2016, CI iha pajína eletrónika, ho objetivu fasilita CI atu konsulta ho públiku, tanba dala ruma CI iha planu, iha ajenda atu konsulta ho públiku, tanba tempu limitadu lakonsegue hasoru malu, maibe liu husi meus ida ne’e, maluk públiku bele asesu.

Lei fó dalan ba CI hanesan órgaun mídiador, atu simu keixa husi públiku nian, kona-ba serbisu ou konteudu jornalistiku nebe mosu iha Timor, ho nune’e keixa ne’e lapresija ema tenki lori dokumentu ba to’o edifisiu CI, maibe bele asesu sitíu CI ninian hodi halo keixa online.

Hein katak servisu ba keixa ne’e, sei esforsu atu garante katak online service ne’e 24 oras, maske ohin loron seidauk iha jornalista maka servisu kalan, maibe ba oin mosu kompetisaun mídia, jornalista sei halo kobertura iha kalan, madrugada, iha potensia atu sai alvu ba violensia ba ema sira nebe lanu iha fim da semana.

Prezidenti CI mos esplika kontiudu sítiu eletonika ne’e hanesan iha koluna branda, bele hatene se mak CI, nia membru sira no saida maka CI hal.  Iha koluna politika públiku bele hatene saida mak Conselho Imprensa produs. Iha koluna baze de dadus, fo sai informasaun kona ba rejistu mídia, públiku sei hatene radio hira, jornal hira, TV hira no online iha hira.

“CI hakarak atu sítiu eletrónika mídia hotu-hotu nia bele asesu liu husi CI nia sítiu eletrónika, iha koluna keixa nian, fo sai kona ba prosedimentu ba hato’o keixa online, ba direita  ho dokumentu no formulariu,”informa Prezidenti CI.

Kazu sira nebe rejista, inklui kazu nebe halo ona mídia ou la’e. CI mos sei iha ekipa ida atu atende keixa, halo analiza hodi hatene natureza keixa molok  lori ba plenaria hodi deside.

Kazu kategoria krime laos kompetensia CI, tanba sei atende deit keixa nebe hamosu inflasaun ou violasaun nebe relasiona ho kódigo de deontolojia/KEJ. Iha koluna publikasaun ne’e kona-ba anunsiu vaga, relatoriu no atividade ruma no livru nebe CI produs.

Koluna ikus mak galleria ,iha nee bele asesu foto ou video sira husi atividades no kooperasaun CI ho instituisaun sira seluk. Ba oin Sei iha esforsu atu pajína eletrónika ne’e, bele publika iha lian ofisial portugues, no  lian servisu nian  hanesan Ingles, no Indonézia atu falisita públiku bele asesu.

Antes ne’e membru CI, Jose Ximenes hatete, ho prosesu rekrutamentu ba Diretór no staff, funsionamentu servisu CI ninian foin mak hahu lolos iha fulan Outobru.

Husi atividades sira, iha parte importante mak CI halo hanesan, halo akordu ho Dewan Pers Indonézia (DPI) estabelese padraun importante kona-ba uji kompetensia ba jornalista sira no metodu analiza no monitorizasaun ninian.

Iha fulan Outobru nian laran mos Conselho Imprensa hola parte hanesan membru PER permanente. Aprovasaun adezaun Conselho Imprensa Timor-Leste nian ne’e ho votus unanimidade hosi membrus permanente sira, hanesan Portugal, Angola, Moçambique, São Tomé e Príncipe, Cabo Verde no Guiné-Bissau.

Iha lansamentu ne’e, CI  konvida Defensor Públiku Jeral, Sergio Hornai hodi sai sasin. Serimonia ne’e hetan partisipasaun husi maluk jornalista, Diretór mídia imprime, radio no reprezentante televizaun. **CI**