Atividade

Diretór DDAM akompañahusi pessoal tekniku sira halo levantamentu dadus iha Radio Komunidade Café Ermera, Segunda (5/12/2016).
Diretór DDAM akompañahusi pessoal tekniku sira halo levantamentu dadus iha Radio Komunidade Café Ermera, Segunda (5/12/2016).

Conselho de Imprensa Halo Levantamentu Dadus ba Mídia iha TL

DILI- Conselho de Imprensa, liu husi nia Diresaun Dezenvolvimentu no Analiza Mídia (DDAM) dadaun ne’e hala’o hela asesmentu ba kanál mídia no jornalista sira atu halibur dadus kona-bá kompaña mídia   nomos pesoal jornalista sira iha teritoriu Timor-Leste.   

“Ami husi DDAM tinan ida ne’e fokus serbisu ba programa importante rua maka halo análiza ba públikasaun mídia nomos halo baze de dadus ba kompaña mídia sira hanesan mídia imprime, mídia elektroniku no Online. Pontu fundamentu maka atu hatene mídia hira maka agora ejiste iha rai laran, nomos jornalista hira maka lor-loron hala’o atividade jornalismu Timor-Leste,” hateten Lazaro Ximenes, ofisial DDAM iha Edefisiu Conselho Imprensa, Kintal-Boot-Dili, Sesta (09/12/2016).

Planu asesementu ne’e rasik fahe ba zona 3 hanesan Zona Leste kompostu hosi Lautem, Baucau, Viqueque no Manatuto.  Zona Súl mak Aileu, Manufahi, Ainaro no Covalima. Zona Weste mak Ermera, Liquiça, Bobonaro no Ambeno-Oecusse, inklui Kapitál Dili. 

Ekipa DDAM remata ona asesementu iha parte zona leste no zona sul. Parte zona weste iha prosesu asesmentu no sei finaliza iha inisiu tinan 2017.

“Bázeia ba orariu, DDAM ne’ebé involve pessoal nain 5, husi diresaun ne’e konsegue halo ona levantamentu dadus ba radiu komunidade sira iha munisipiu 11 no sei kotinua iha Janeiru, tinan oin,” informa Lazaro Ximenes. 

Munisipiu 11 ne’ebé halo ona levantamentu dadus mak kompostu husi Munisipiu Baucau, Lautem, Viqueque, Manatuto, Aileu, Ainaro, Manufahi, Covalima, Ermera, Liquiça no Bobonaro. 

Husi rezultadu levantamentu dadus ne’e, DDAM sei konsolida dadus hirak ne’e hodi sai hanesan rekursu imporante ba apoiu serbisu CI atu garante liberdade espresaun no imprensa iha Timor-Leste. (CI)