Atividade

Jim Nolan halo diskusaun in formal ho delegasaun CI ne’ebe halao vizita de trabalho iha Sydney, Australia.
Jim Nolan halo diskusaun in formal ho delegasaun CI ne’ebe halao vizita de trabalho iha Sydney, Australia.

IFJ Hakarak fó Advokasia ba Jornalista Timor Oan

Sydney - Legal Consultant International Federation of Journalist (IFJ) Asia Pacific prontu atu ajuda AJTL-TLPU hodi fó advokasia ba jornalista sira ne’ebe hetan kondena ho artigu denunsia kalunioza no mos sei fó apoiu parser kona-ba promove liberdade imprensa iha TL.

Promesa ne’e hato’o husi Legal Consultan IFJ Asia Pasific, , Jim Nolan iha diskusaun informal ida ho delegasaun CI iha Sydney, Australia foin lalais.

Nolan hateten, Timor-Leste nudar nasaun demokratiku ida no garante liberdade imprensa ho adopta konvensoens internasional kontra ‘kriminaliza hasoru jornalista’ la merese kondena jornalista ho artigu denunsia kalunioza. 

“Hau haree kazu ne’e halai liu ba etika tanba ne’e la presiza halo prosesu krimi, maibe prosesu sivil, ne’ebe CI mos bele halo mediasaun,” dehan Jim Nolan.

Jim interesadu atu hatene progresu kazu Primeiru Ministru (PM) Rui Maria Araujo hasoru jornalista Timor Post, Raimundo Oki no Lourenço Martins. Hafoin rona tiha esplikasaun hosi Paulo da Cruz Araujo, membru Conselho de Imprensa nian, Jim konsidera prosesu ne’ebe PM Rui Maria Araujo, kontesta ne’e ladun fo espasu no hamosu lisaun ladiak ba promove liberdade imprensa iha futuru Timor-Leste.  

Jim Nolan nudar pesoal ida iha IFJ ne’ebe akompanha kazu PM Rui Maria de Araujo hasoru Timor Post, no ajuda distribui publikasaun iha media internasional sira kona-ba kazu refere. ** CI**