Delegasaun CI halo estudu komparativu iha Lisboa, segunda-feria,31/10/2016
Delegasaun CI halo estudu komparativu iha Lisboa, segunda-feria,31/10/2016

ACMA Apoiu Kria Mekanismu atu Regula Broadcasting no Online

Atividade Hare nain: 1035

SYDNEY – Australian Communications and Media Authority (ACMA) ba futuru prontu fahe referensia ho Conselho de Imprensa (CI), atu bele apoiu ba establese mekanismu sira serbisu nian, liliu regulamentu sira broadcasting no online nian.

Asuntu ne’e hatete husi Media Manager iha divizaun Kooperasaun no Peskiza, Emma Rossi ba delegasaunCI, iha loron 16 Novembru 2016, iha Sydney.

Iha enkontru ne’e Prezidente CI informa kona-ba funsaun Conselho de Imprensa nudar orgaun mediador no mos regulador ne’ebe kobre hotu media imprimi, elektronika no  online.  Aleim de halo mediasaun bainhira simu keixa ruma. CI mos halo knar regulasaun nian hodi fo akreditisaun ba jornalista no presija rejistu, laos nudar lisensa maibe atu iha dadus kona-ba numeru profesionais iha teritoriu Timor-Leste.    

Ami foun, ami presija mekanismu, mata dalan, prosedur sira nudar instrumetu sira atu apoiu. Ami halo ona viajen ba Indonesia, Portugal no agora Australia atu bele hetan referensia nune’e ami bele iha mekanismu rasik para bele serbisu,” dehan Prezidente Virgilio

Entretanto Rossi realsa,  ACMA nudar orgaun regulador,  nia responsabiliza no tau matan ba protesaun konsumidores iha Australian ba broadcasting nian, haree liu ba aktu servisus broadcasting, hanesan aplikasaun kodigu praktika, implementasaun programa tuir padraun no tau matan ba kondisaun sira atu hetan lisensa.

Momentu hanesan Rossi aprezenta espesifkamente pesoal profesionais sira ho sira nia servisu iha area id-idak hanesan  Colin Payne nudar  Manager Regulatory Frameworks and International Engagement Section, Phyllis Fong nudar  Manager Community Broadcasting Group no Elizabeth nudar  Manager Broadcasting Standards. ** CI**