Komunikadu Imprensa

Conselho de Imprensa (CI) no Projeitu Eleitorál UNDP Entrega Sertifikadu ba Jornalista Formadu 25

Dili, 29 Maiu 2019 – Conselho de Imprensa (CI) no ajénsia ONU nian, the United Nations Development Programme (UNDP) iha 29 Maiu 2019 ofisialmente entrega sertifikadu ba jornalista formadu hamutuk na’in 25. Jornalista formadu hirak ne’e tuir ona formasaun durante fulan tolu ne’ebé hahú iha inísiu Marsu no remata iha semana ikus Maiu tinan ne’e.

Formasaun jornalístiku ne’ebé hanaran treinamentu jornalizmu kompriensienviu ne’e kobre modul ka matéria lubuk-ida mak hanesan, étika jornalizmu, oinsa dezenvolve istória, tekniku entrevista, padraun lingua Tetum, gender senstive reporting, data journalism, photo journalism, utilizasaun mídia sosiál, vidio journalism, TOR kobertura nian, rádiu komunidade,onsite visit no news room.

Tuir treinadór husi Projeitu Eleitorál UNDP, Yuichi Ishida, treinamentu journalizmu kompriensivu ne’e realiza atu hametin jornalista foun no estudante sira komunikasaun sosiál sira nian abilidade iha area jornalizmu, liuliu atu ajuda fasilita partisipante atu kompriende no tau iha pratika matéria hotuhotu ne’ebé sira hetan durante prosesu formasaun refere.

Sr. Yuichi haktuir treinamentu journalizmu kompriensivu ne’e konta ba datoluk ona, iha-ne’ebé faze priméiru no segundu hala’o iha 2018 no tinan ne’e alarga ona mós ba munisípiu sira, hanesan parte Leste nian, konsentra iha Baucau, parte súl nian realiza iha Maubisse no parte oeste nian hala’iha liquisa.

Totál partisipante sira ne’ebé hetan ona sertifikadu hosi treinamentu jornalizmu kompriensivu ne’e mak 162 no fasilitadór ka treinadór sira mai hosi CI, UNDP no treindór parseiru internasionál sira hanesan Australia, SEAPA (Southeast Asia Press Alliance) no Indonézia.

Programa ka atividade treinamentu jornalizmu kompriensivu ne’e nu’udar rezultadu ida husi kooperasaun entre CI no Projeitu Eleitorál UNDP durante ne’e. Kooperasaun ne’e inísia iha 2017, hahú ho treinamentu jornalizmu dahaluk ne’ebé foka-liu ba reportajen eleitorál ne’ebé hetan apoiu finanseiru husi Povu Japaun.

Ba informasaun detáilu, halo-favór kontakta CI nia pesoál sira ekipa DDAM – CI tuir mai ne’e:                                  

  1. Alberico da Costa Junior; telefone: 77254078
  2. Caetano Alves: telefone 77338969

 

 

Comment

Conselho de Imprensa Kondena Aktus Intervensaun Polítika iha Redasaun RTTL,EP

Instabilidade polítika railaran ne’ebé la’o ona kuaze tinan rua nia laran, afeita maka’as ba prosesu dezenvolvimentu país nian iha setór hotu-hotu. Situasaun ne’e implika mós prosesu hametin transparansia, kontabilidade no boa governasaun ne’ebé kontribui ba prosesu hametin sistema demokrasia iha país ne’e. Mudansa lala’ok polítika iha railaran husi governu ida ba governu seluk mós fó imapktu ba dezenvolvimentu mídia iha nasaun foun ne’e. Ho ida-ne’e, sidadaun sira la goja sira nia direitu liberdade ba flutu informasaun (free flow of information) hodi hetan informasun ida-ne’e sufisiente no kredivel. Polítika Governu nian hodi halo mudansa ba estrutura RTTL E.P. liuhusi apontamentu polítika hamosu dikótomia no ambiente la hakmatek ba jornalista sira hodi hala’o sira nia atividade jornalistika ho di’ak hanesan baibain.

Comment

Press Statment AJTL Ne’ebé entrega ba Conselho de Imprensa

 

 

Impase polítika dadauk ne’e la’os afeita deit ba dezenvilvomentu ekónomiku país nian, maibé afeita dadauk ona liberdade imprensa no liberdade espresaun iha railaran. Politizasaun ba instituisaun mídia públiku nu’udar forma estratéjia pólitika ida atuhodi interven polítika redasaun RTTL E.P. no Ajénsia Tatoli nian. Pesoál balu Instituisaun Estadu no Governu nian hahú ameasa no bandu jornalista sira atu labele espresa sira nia hanoin no pensamentu kona-ba asuntu sira ne’ebé relasiona ho interese públiku nian iha plataforma sira mídia sosiál. Ameasa ne’ebé Xefe Gabinete, Sekertáriu Estadu Komunikasaun Sosiál (SEKOMS), halo hasoru Jornalista RTTL E.P. Constancio Vieria iha loron 11 Janeiru2019 nu’udar hahalok ditadura ne’ebé la afavor ba prinsipiu liberdade imprensa no liberdade espresaun iha nasaun demokrátiku ida-ne’e. Xefe gabinete ne’e ameasa atu hasai Jornalista Constancio Vieira husi nia knaar nu’udar jornalista RTTL E.P.

Comment

Press Statment kona-ba Programa Grande Entrevista GMN TV

Iha loron 14 Dezembru 2018, Conselho de Imprensa (CI) halo monitorizasaun no halo análize ba GMN TV ninia programa Grande Entrevista, edisaun kalan 14 2018 ho asuntu “Prezidente Repúblika nia Veta hasoru Proposta Alterasaun Lei Atividade Petroliferu.” Tuir CI, programa ne’e di’ak tamba tranzmite informasaun kona-ba asuntu interese nasionál relasiona ho atividade petróliferu nian.

Comment

Ba Públikasaun Imidiátu, Conselho de Imprensa Preukupa ho Empase Polítika ne’ebé Afeita Funsionamentu Mídia iha Railaran.


Dili, Timor-Leste – 3 Augustu 2018 – Conselho de Imprensa Timor-Leste (CI) preukupa ho situasaun empase polítika iha railaran. Impase polítika dadauk ne’e afeita tebes vida setór hotu-hotu iha país ne’e, tantu setór públiku ka setór privadu.

Comment

Conselho de Imprensa no Embaixada Australia iha Timor-Leste, Diskute Hamutuk kona-ba Dezenvolvimentu Mídia iha Timor-Leste

Díli, 27 Abríl 2018 – index liberdade imprensa no liberdade espresaun iha Timor-Leste, di’ak- liu nasaun sira iha rejiaun Sudueste Aziátiku no mós nasaun balun iha mundu Internasionál.

Comment

Introdusaun


La kleur tan Timor-Leste tama ba kampãna Eleisaun Antisipada ba parlamentu nasionál. Ita hotu hatene katak iha kontestante 8 ne’ebé kompostu husi partidu politiku 4 no koligasaun 4. Tanba ne’e Conselho de Imprensa hein katak eventu ne’e, hahu hosi kampãna to’o apuramentu de votus sei sai diak bainhira iha kontribuisaun diak husi jornalistas sira, meius komunikasaun sosiál, orgaun komunikasaun sosiál, partidu polítiku no orgaun kompetente ba eleisaun hanesan CNE, STAE no MAET, no parte seguransa hanesan PNTL.  

Nune’e, liuhosi komunikadu imprensa ida ne’e Conselho de Imprensa husu ba:

1.    Jornalista sira
    Kontinua kaer metin Kode Étika Jornalístika hodi mantein independensia editorial.
    Respeitu prosedimentu eleitoral nian.

2.    Meius Komunikasaun Sosiál
    Fo tratamentu justu no imparsial ba kontestante bloku no partidu politiku sira.
    Garante direitu antena ba kontestante sira hotu atu públiku bele hetan informasaun ho loloos no momoos.
    Prevene publikasaun ne’ebé iha tendensia atu hamosu defamasaun ba parte seluk.

3.    Orgaun Komunikasaun Sosiál
    Garante kondisaun favoravel no saudavel ba ninia jornalista sira atu halo kobertura ho didiak.
    Responsabiliza ba movimentu seguru jornalista sira nian atu halo kobertura.
    Halo ekilibru iha publisidade politika redasaun nian.

4.    Kontestante sira
    Uza Meiu Komunikasaun Sosiál ho edukativu, konstrutivu, saudavel atu hato’o programa duke halo akuzasaun.
    Fo asesu ba jornalista sira no garante siguransa ba sira durante periodu eleisaun.
    Labele uza imprensa hodi provoka no hamanas situasaun durante periodu eleisaun.

5.    Orgaun Eleitoral no instituisaun relevante sira (CNE, STAE, MAET, PNTL)
    Garante asesu ba jornalista sira atu iha espasu atu hetan informasaun ne’ebé sira tenki hetan atu hodi hato’o ba publiku.
    Fo asesu no garante siguransa ba jornalista sira hodi halo kobertura ho didiak.

6.    Públiku
    Buka esplora konkorente bloku no partidu politiku sira nia programa, vizaun-misaun kona-ba governu nian atu serve ba sira hodi halo desizaun tuir konsiensia.


Virgílio da Silva Guterres
Prezidente

Comment

Conselho de Imprensa Husu Jornalista atu profisíonál nafatin iha Atividade Jornalístika

Dili, 4 Dezembru 2017 – Relasiona ho atribuisaun karteira profisionál ba jornalista sira ne’ebé Conselho de Imprensa (CI) sei fó iha tempu badak, Prezidente CI, Virgílio da Silva Guterres husu ba jornalista Timoroan hotu-hotu atu mantein serbisu ho profisionál hodi kumpri nafatin Kódigu Étika Jornalístika no tane-aas nafatin respeitu privasidade ema seluk nian no tane-aas prinsípiu prezunsaun inosente.

Comment

Rejistu Karteira Profesional Adia ba Loron 26 Fulan Outubro 2017

DILI (20/10), Relasiona ho karta deklarasaun hosi instituisaun balun ne’ebé seidauk fo ba jornalista Nasionál sira hodi hetan karteira professional, ne’ebe lolos hahu rejistu iha Conselho de Imprensa no remata iha loron 20/10/2017 ne’e, Conselho de Imprensa adia ba loron 26/10/2017 ho rajaun tamba iha jornalista balun ne’ebe to’o agora sei problema ho mídia nain konaba deklarasaun ne’e.

Comment

Publish modules to the "offcanvas" position.