CONSELHO DE IMPRENSA BOLU ÓRGAUN KOMUNIKASAUN SOSIÁL ATU MAI REJISTU

Prezidente Conselho de Imprensa reafirma katak rejistu ida ne’e halo tuir Lei Komunikasaun Sosiál artigu 28.u lei nú 5/2014 pontu (1) dehan Órgaun no meiu komunikasaun sosiál sira tenke halo rejistu ida ba-iha Conselho Imprensa, no pontu (4) dehan Rejistu ne’e Conselho de Imprensa sei haruka públika iha Jornál da Repúblika. 

“Husu ba órgauns de komunikasaun sosiál atu mai rejistu iha Conselho de Imprensa tuir lei haruka,” dehan Prezidente CI, Virgílio da Silva Guterres.

Rejistrasaun ida ne’e nu’udar Kompeténsia Conselho de Imprensa nian ne’ebé tau ona iha Lei Komunikasaun Sosiál artigu 44.o lei nú 5/2014 ne’ebé fó kompeténsia ba Conselho de Imprensa atu halo rejistu no promove publikasaun iha jornál da repúblika órgaun komunikasaun sosiál nian sira.  

Tanba ne’e liuhosi komunikadu imprensa ida ne’e, Conselho de Imprensa hakarak anúnsia ba Órgaun no Meius Komunikasaun Sosiál sira kondisaun hirak ne’ebé presiza prepara ba rejista ida ne’e, mak hanesan:
1.    Sei prenxe formuláriu ne’ebé mak prepara ona
2.    Dokumentus sira ne’ebé presiza aneksa ho formuláriu rejistu nian mak hanesan:
a)    Estatutu organizasaun
b)    Mapa Organizasaun (sede)
c)    Estrutura Organizasaun
d)    Sertidaun rejistu komersiál
e)    Sertifikadu Lisensa Komersiál
f)    Estatutu Editoriál
g)    Organograma konsellu redasaun


Imprimir   Email