Konferensia Imprensa iha CI, 10 Fevereiru 2017. Iha foto Prezidente CI akompaña husi Konsilleiru Hugo Fernandes, Diretora Ezekutiva CI, no Diretur DDAM.

ANALIZE CONSELHO DE IMPRENSA BA PRODUTU JORNALISTIKU

Infrasaun etika ne’e barak liu akontese iha kanal media jornal diariu sira nian. Tuir rezultadu analiza Diresaun Dezenvolvimentu no Analiza Media CI nian hatudu katak infrasaun ne’e barak liu kontra kode etika jornalistika pontu 6 kona-ba laiha konfirmasaun ba fonte hothotu; pontu 2 kona-ba laiha objetividade, ne’ebe signifika katak jornalista hatama ninia opiniaun no sentimentu rasik; no mos pontu 5 kona-ba media halo julgamentu iha notisia (trial by the press); pontu 8 kona-ba onra no naran diak. Iha parte seluk CI mos hare katak produtu jornalistika hirak ne’e viola prinsipiu jornalistika universal kona-ba laiha sensitivu jeneru no laiha sensitivu ba paz. Aleim ida ne’e produtu barak la tuir padraun jornalistika hanesan la fo background ba notisia.
Prezidente Conselho de Imprensa Sr. Virgilio da Silva Guterres afirma kona-ba saida mak orgaun regulador ida ne’e halo hodi atende ba infrasaun hirak ne’e

“Conselho de Imprensa nia kompetensia mak atu aprova no superviziona atu orgaun komunikasaun sosial no jornalista sira kumpri kode etika jornalistika. Tanba ne’e CI halo ona karta atensaun ba media hirak ne’ebe halo infrasaun iha produtu jornalistika atu bele toma konsiderasaun iha sira nia produsaun sira.”

Iha loron 7 fulan Fevereiro, Conselho de Imprensa halo tiha ona audensia ida hodi atende keixa plagiarismu ne’ebe involve media online rua iha Dili. Liuhosi mediasaun ne’ebe deirje hosi Conselheiro Paulo Adriano da Crus Araujo, konsege ba to’o iha komprendesaun mutua ida tanba iha vontade diak hosi parte akuzado ne’ebe rekoiñese ninia sala no hakarak husu deskulpa. Iha audensia ne’e mos deskobre katak media publisidade sira koko atu sai media komunikasaun sosial hodi aleim publisidadi halo mos produtu media ne’ebe mak tuir lolos kontra lei. Conselho de Imprensa prepara hela rekomendasaun balu atu haruka ba media online rua ne’e.

Media sira partisipa iha konrensia imprensa, 10 fevereiru 2017.
Media sira partisipa iha konrensia imprensa, 10 fevereiru 2017.

Conselho de Imprensa nudar orgaun regulador media nian ida iha atribuisaun importante atu tau matan ba konduta professional no etika kona-ba profesional sira jornalizmu no operador meiu komunikasaun sosial nian sira, nune’e mos garante atu kumpri kondisaun sira ba asesu no hala’p atividade jornalistika nian.

Desde hamrik mandatu CI nian mak establese kondisaun hodi fasilita serbisu professional media sira nian liuhosi produs prosedimentu sira profisaun nian. Iha esbosu regulamentu lubuk ida mak prepara ona no atu lori ba konsulta ho publik.
Iha loron 10 fulan Fevereiro ne’e, CI lori ona esbosu regulamentu Registu Orgaun Komunikasaun Sosial ba konsulta ho parte interesado sira iha Dili. Alein ida ne’e CI mos aprova tiha ona kode etika jornalistika depois lori ba konsulta iha publik, iha Dezembro.

Atu hetan informasaun klaru bele kontaktu bele kontaktu Nú.: + 670 73173198/ 77961515, 73173193/77948155, ou E-mail: Este endereço de email está sendo protegido de spambots. Você precisa do JavaScript ativado para vê-lo.


Imprimir   Email