Komunikadu Imprensa

APC prontu apoiu CI ba promove liberdade imprensa - IFJ husu hapara ‘kriminaliza’ jornalista

Índice de Artigos

IFJ husu hapara ‘kriminaliza’ jornalista  

Delegasaun CI diskuti hela kona-ba liberdade imprensa ho Legal Consultant IFJ Asia Pacific Jim Nolan
Delegasaun CI diskuti hela kona-ba liberdade imprensa ho Legal Consultant IFJ Asia Pacific Jim Nolan

Iha loron hanesan, iha lorokraik ekipa CI hasoru Legal Consultant IFJ Asia Pacific Jim Nolan. Jim interesadu atu hatene progresu kazu PR Rui Maria Araujo hasoru jornalista Timor Post, Raimundo Oki no Lourenço Martins. Hafoin rona tiha esplikasaun hosi Paulo da Crus Araujo, membru Conselho de Imprensa nian, nia konsidera prosesu ne’ebe PM Rui Araujo, kontesta ne’e, ladun fo espasu no hamosu lisaun ladiak ba promove liberdade imprensa iha futuru Timor-Leste. 

Jim Nolan nudar pesoal ida iha IFJ ne’ebe akompanha kazu PM Rui Maria de Araujo hasoru Timor Post, no ajuda distribui publikasaun iha media internasional sira kona-ba kazu refere. Nia haree katak la merese duni ba Timor-Leste nudar nasaun demokratiku ida no garante liberdade imprensa ho adopta konvensoens internasional kontra ‘kriminaliza hasoru jornalista’ kondena fali jornalista ho artigu ‘denunsia kalunioza. 

“Hau haree kazu ne’e halai liu ba etika tanba ne’e la presiza halo prosesu krimi, maibe prosesu sivil, ne’ebe CI mos bele halo mediasaun.” Dehan Jim Nolan.

Nia mos oferese nia tempu atu bele fo apoiu CI hodi fo parser kona-ba promove liberdade imprensa iha Timor-Leste no nia prontu ajuda AJTL ho TLPU atu fo advokasia ba jornalista sira.