Atividade

CI atribui Karteira Profisionál ba Jornalista iha Baucau no Viqueque

Diretór Ezekutivu Conselho de Imprensa de Timor-Leste (CI), Rigoberto Monteiro, Atribui Karteira Profisionál ho Títulu Jornalista no Estajiariu ba Jornalista sira, iha Munisípiu Baucau, iha loron Tersa-feira, 5/10/2021 no iha Munisípiu Viqueque, iha Kuarta-feira, 6/10/2021.

Iha okaziaun ne’e, Diretór Ezekutivu CI esplika kona-ba saida mak karteira profisionál no saida mak nia funsaun, oinsá utiliza no tanba saida CI atribui ba jornalista sira no husu ba Jornalista sira atu hala’o papél iha mundu jornalizmu ho responsabilidade.

Jornalista sira ne’ebé simu karteira profisionál orgullu no agradese bele hetan no simu ona karteira profisionál jornalista.

Iha tempu hanesan entrega mós livru Jornalizmu “Notísia Falsu & Dezinformasaun,” ba Jornalista Radio Komunidade no Jornalista destakadu sira.

Atribuisaun karteira profisionál jornalista ne’e entrega ba Jornalista nain 7, feto 2, mane 5 no Estajiariu 8, feto 4, mane 4, halo wainhira Conselho de Imprensa realiza Sosializasaun kona-ba knain naar CI no regulamentu Nú: 4/2017, loron 4 fulan Abril kona-ba prosedimentu ezerse direitu hetan no ratifikasaun ba Prezidente Autoridade Munisípiu Baucau no Viqueque, Komandante PNTL Munisípiu Baucau no Viqueque no Sosializa mós ba públiku liu husi radio talk iha kanál radio komunidade Lian Matebian Baucau no Radio Komunidade Povu Viqueque.