Atividade

Prezidente CI: Ezisténsia Institutu Jornalízmu Importante Tebes

Díli – Prezidente Conselho de Imprensa de Timor-Leste (CI), Virgílio da Silva Guterres hatete ezisténsia institutu jornalizmu importante tebes.

Prezidente CI Virgílio Guterres hato’o kestaun ne’e iha atividade simpozium aprezentasaun kona-ba konseitu báziku estebelesementu Sentru Formasaun Téknika Komunikasaun (CEFTEC-Sigla Portugés) ba futuru Institutu Profisionál Komunikasaun no Multimedia Timor-Leste (IPKoM-TL), iha salaun Prezidénsia Konsellu Ministru, Palásiu Governu, Kuarta-feira ne’e, 16/06/2021.

Iha enkontru ne’ebé lidera direta husi Sekretáriu Estadu Komunikasaun Sosiál (SECOMS), Merício Junival dos Reis “Akara”, Lideransa máximu orgaun reguladora, Virgílio Guterres dehan instututu ne’ebé sei mosu mai ne’e nia estatutu tenke independente

“Iha diskusaun inísiu iha Timor Plaza, husi ema sira ne’ebé ko’alia, sira hotu hato’o katak ejisténsia instituisaun ida ne’ebé espesífiku atu fó formasaun ba jornalízmu ne’e importante,” Akresenta Prezidente CI.

Objetivu husi atividade simpozium ne’e atu akumula ideia husi parte relevante hotu nune’e bele dezenvolve di’ak liutan esbosu estabelesementu IPKoM-TL.

Partisipa iha atividade refere, SECOMS, Merício Juvinal dos Reis “Akara”, Prezidente CI Virgílio da Silva Guterres, Asesor no funsionariu sira iha SECOMS. (CI)