Dili - Conselho de Imprensa de Timor-Leste (CI) hetan vizita husi Embaixadór Estadu Unidu Amerika-EUA, C. Kevin Blackstone, ne’ebé simu direita husi Prezidente CI, Virgílio da Silva Guterres ho Membru CI, Konselleiru Francisco Belo, Konselleiru Expedito Loro Dias Ximenes, Konselleiru Benevides Correia Barros, Konselleiru Otelio Ote no Diretór Ezekutivu CI, Rigoberto Monteiro, iha CI, Quintal Boot, foin lailais ne’e.
Iha vizita ne’e, Embaixadór Estadu Unidu Amerika-EUA, C. Kevin Blackstone, hare direita servisu funsionáriu sira iha salaun servisu CI no hafoin ne’e kontinua ho enkontru iha salaun Konferénsia CI.
Iha enkontru ne’e, ko’alia kona-ba papél mídia iha relasaun ho demokrasia, ko’alia mós kona-ba liberdade imprensa no liberdade espresaun em jerál iha Timor-Leste,
Kooperasaun servisu entre CI ho EUA iha area Kapasitasaun liuliu ba fact-checking, sai asuntu importante ne’ebé diskute iha enkontru ne’e.