Previous Next

Jornalista Mak Haburas no Hametin Demokrasia

Dili – Membru Conselho de Imprensa de Timor-Leste (CI), Konselleiru Otelio Ote, fasilita formasaun ba partisipante estájiu Karteira Profisionál hamutuk na’in 20, iha salaun enkontru CI, Quintal Boot, 5/3/2021.

Konselleiru Otelio Ote fasilita formasaun ba partesipante sira kona-ba “Papél Mídia Iha Prosesu Harii Demokrasia”.

“Ita Jornalista idéntiku ho demokrasia, ita mak haburas, ita mak hametin duni demokrasia,” dehan Konselleiru Ote.

Durante aprezentasaun, Konselleiru Ote esplika kle’an ba partesipante estájiu karteira profesionál kona-ba papél mídia maka atu informa, eduka, kontrola no diverte.

“Bainhira ita implementa demokrasia iha ita nia rai, ita la livre ona hanesan demokrasia ne’ebé ita lori wainhira moris mai, ita ko’alia ba ema seluk livre, ko’alia iha estrada livre, maibé kuandu ita implementa ona demokrasia iha nasaun ida, iha nia limitasaun, iha ne’eba ita tenke halo buat ruma kona-ba demokrasia liu husi espíritu órgaun soberanu,  hanesan Prezidente Repúblika, Parlamentu Nasionál, Tribunal no Governu,” informa Konselleiru Ote.

Partisipantes iha Kolókiu Públiku ne’e mai husi mídia Jornál Independente, GMN, Naunil Mídia, Timor-Post, RTTL.Ep no Tatoli.Ip.

 

 

 


Imprimir   Email