Díli – Conselho de Imprensa de Timor-Leste (CI) husu jornalista sira atu kaer metin prinsípiu kódigu étika jornalízmu iha koberura no publikasaun sira iha prosesu kampaña no eleisaun parlamentar 2023.
Aleinde ne’e, Conselho de Imprensa mós fó hanoin ba jornalista, órgaun no meiu komunikasaun sosiál sira atu kontinua mantein independénsia, imparsiál, neutru. Husu mós ba mídia sira atu hadook-án husi publikasaun sira ho tendensia sensasionál, rasismu, diskursu de ódiu, nst.
Parte seluk, Conselho de Imprensa husu jornalista sira atu utiliza matadalan reportájen eleitorál. Ba perte mídia nian atu kontinua utiliza direitu retifikasaun hodi bele hadi’a hikas notisia sira ne’ebé konsidera erru ka sala.
Conselho de Imprensa enkoraja partidus polítikus, líderes partidus polítikus no sidadaun bain-bain atu bele utiliza direitu de resposta hodi notifica ba órgaun no meiu komunikasaun sosiál sira atu bele hadi’a hikas notísia sira ne’ebé fostes sira konsidera la bazeia ba faktus no viola sira nia onra ka naran di’ak.
“Presiza fó hanoin ba jornalista sira iha pontu importante rua maka, primeiru, kona-ba prosesu kampaña eleitorál fulan ida nia laran oinsá ita nia kobertura nafatin baze ba iha ita nia matadalan ne’ebé iha kaer metin ita nia kodigu etika jornalismu, segundu, ita hotu akompaña katak hanesan orgaun eleitorál sira liuliu STAE seidauk bele fó oportunidade hanesan kona-ba oinsa vota movel, katak vota livre, banhira jornalista ida halo kobertura iha fatin ida karik nia bele vota iha fatin”, Konselleiru Expedito Loro Dias Ximenes hato’o kestaun ne’e liuhusi konferénsia imprensa iha salaun enkontru Conselho de Imprensa, Quintal Boot, Díli, 19 Abril 2023.
Mandatu Conselho de Imprensa haktuir iha lei Komunikasaun sosiál artigu 44 hanesan Promove liberdade espresaun no imprensa nian no independénsia meiu komunikasaun sosiál nian sira husi influénsia ema se de’it, grupu ka interese polítiku no ekonómiku, Aprova no superviziona atu órgaun komunikasaun sosiál no jornalista sira kumpri Kódigu Étika nian.
Promove liberdade espresaun no imprensa nian no independénsia meiu komunikasaun sosiál nian sira husi influénsia ema se de’it, grupu ka interese polítiku no ekonómiku, Aprova no superviziona atu órgaun komunikasaun sosiál no jornalista sira kumpri Kódigu Étika nian.
Konsellu Imprensa nu’udar entidade administrativa independente no hala’o ninia atribuisaun no konpeténsia ne’ebé la submete ba diresaun ka orientasaun sira husi podér polítiku nian.
Partisipa iha konferénsia imprensa ne’e maka Konselleiru Expedito Loro Dias Ximenes, Konselleiru Francisco Belo Simões da Costa, Konselleiru Amito Araujo, Diretór Ezekutivu, Rigoberto Monteiro, Diretór Apoiu Jurídiku no Supervizaun, Zenilton Zenes, jornalista husi mídia nasional2 sira. (CI)